SUSANA TRIGO TÁBOAS  (Lugo, 1984) iníciase no mundo da música a moi curta idade. Con 9 anos ingresa no Conservatorio Profesional de Música de Lugo, onde estuda o Grao Elemental e Grao Medio coa profesora Esperanza Moreno.

En 2003 realiza as probas de acceso ao Grao Superior no Conservatorio Superior de Música de A Coruña, estudando cos profesores Natalia Lamas e Gabriel López, con quen finaliza os seus estudos.

Realiza cursos de técnica e interpretación pianística e recibe clases de profesores como Natalia Lamas, Anna Pogoshyan, Almudena Cano, Eulalia Solé, Fernando Puchol, Domenico Codispoti, Luca Chiantore, Cecilio Tieles, Claudio Martinez Mehener, Mariana Gurkova, Nino Kereselidze entre outros, e de Composición co mestre Antón García Abril na Escola de Altos Estudos Musicais en Santiago de Compostela.

A nivel docente, traballa durante 4 anos na Escola Municipal de Música de Guitiriz (Lugo) na especialidade de piano, piano complementario, coro e linguaxe musical e desde 2010 na escola EMAAG (Escola de Música e Artes Alfredo Graça) en Oporto (Portugal), como profesora titular na especialidade de piano.

Na actualidade estuda o segundo ano de Máster en Interpretación Artística na especialidade de Piano en Oporto, na Escuela Superior de Música e Artes do Espectáculo (ESMAE) co profesor e pianista Miguel Borges Coelho e  4º ano de Pedagoxía da Linguaxe e Educación Musical no Conservatorio Superior de Música da Coruña.

PROGRAMA

1ª Parte

J.S.BACH – Preludio e Fuga nº5 en Re M, BWV 874, do “Clave bien temperado” vol.2

D. SHOSTAKOVICH – Preludio e Fuga nº5 op.87 en Re M

L. VAN BEETHOVEN – Sonata para piano nº31, op. 110, en LabM. 

            - Moderato cantábile molto espressivo

            - Allegro molto

            - Adagio ma non troppo (Arioso dolente)- Fuga (Allegro ma non troppo) – L’istesso tempo di Arioso – Fuga (L’inversione della Fuga)

 2ª Parte

G. LIGETI – Musica Ricercata 

• Sostenuto. Misurato. Prestissimo
• Mesto, rigido e ceremoniale
• Allegro con spirito
• Tempo di Valse (poco vivace-…à ‘L’orgue de Barbarie’)
• Rubato. Lamentoso
• Allegro molto capriccioso
• Cantabile, molto legato
• Vivace. Energico
• (Bela Bartok in memoriam) Adagio. Mesto
• Vivace. Capriccioso
• (Omaggio a Girolamo Frescobaldi) Andante misurato e tranquillo